UPSC Exam Nei te tan

By | August 14, 2019

UPSC Exam Nei te tan

UPSC hnuai ah Civil service exam chu thla khat vel chauh a awm ta, exam pattern hriatchian a pawimawh hle mai, hemi denchhen hian mi thenkhat chuan sum hai luh an tum ve bawk tih hria ila, chutihrual chuan Aspirants leh Service lai te, coaching instructor tamtak te hian a thlawn in materials an provide nasa hlawm hle, google lam ah zawng ila PDF a download theih te pawh a awm nual, Laxmikant Indian polity fifth edition hi a bu a download tur a awm a, hei hi ka download a ka chhiar mek kei pawh in, NCERT hian an materials te pdf a download theih tur in an website lam ah an dah bawk. M Laksmikant Indian polity Fifth edition ah hian UPSC questions on Indian polity (General studies-Prelims) 1993-2016 hi preface XV ah answer key nen a rawn dah a hei hi a tha viau, chubakah he a lehkhabu hian a indian Polity chu a cover tha hle bawk. Lehkhabu leh previous question ho hi Amazon kindle ah pawh to lutuk lo a chah theih an ni hlawm.

Nikum ah khan a vawikhatnan ka exam ve a, ka nervous hle, mizoram atang chuan advice lak na tur te kan nei tha lem lo, first attempt a clear hi general category atang pawh hian an tam lutuk lo, chuvangchuang first attempt ah kan clear loh pawh in down loh a tha, ka exam pek pui, exam lai bawr vel a ka kawm ve thin vaipa kha a vawi li attempt na ah, tun exam hnuhnung ber khan a clear ve chauh a ni. 1/2/3 attempt ah kan clear lo a nih pawh in beidawnloh a tha e, chutihrual chuan thil tamtak kan chan ang, kan thian te, kan ngaihzawng te leh kan hmelhriat tam tak te pawh in looser ang a min hmu in min kalsan hlawm ang, hetiang tawk hi an awm nual khung general category atang a tling ta ho zing ah pawh khuan, a pawimawh chu kan goal hre reng a give up lo a beih zel hi a ni. Car lei a, zu man to in thei tawk vel a sum leh pai nei, thuneihna tak tak nei si lova kan tawp mai thin hi a uihawm hle a ni. Goal kan set a hlawhtling tur in kan theih ang ang in kan bei ve a, kan hlawhtling ta lo a nih pawh in midang duh ve si, appear ngam lo va chhuanlam siam ho aia kan chungnun na chu kan goal achieve tur a kan theih tawk a kan bei hi a ni “At least we try”.

Prelims paper 2 bik hi qualified na tur chauh a ni a merit list siam nan hman a ni lo, har pawh a har lutuk lo. Online mock test neih tam pawh hi a tha viau mai, subject hrang hrang ah playstore atang a download tur a awm hlawm hi, mahni a in zawn theih a ni e. YouTube lam ah fresher’s live te pawh subscribe theih a ni a, hetah hian current affairs an rawn update thin, ngaihthlak a tha viau, exam atan chauh ni lo in kan nitin hun hman ah, mahni in update nan a tha hle. Facebook ah leh Instagram ah te pawh hian page tha tak tak leh follow tur tha tak tak te pawh a awm nual hi, heng te hi chhiar tam a tha awm e.

Aspirants kum tin an pung zel a, mi an thiam telh telh a, plain people ho leh state dang a kan tribal pui ho te an tough in an fing si a, chuvangchuang Mizo tan chuan kan pianthar that bik vang emaw, kan fel bik vang emaw ni lo in, finna zawng zawng neitu, engkim ruahman tu Pathian hi kan kawng min kawhhmuh tur a kan rawn nasat fo a tha a ni.

2 thoughts on “UPSC Exam Nei te tan

Leave a Reply