COACHING KAL LO VA ‘IAS’ TLIN THEI DAN

By | August 14, 2019
COACHING KAL LO VA ‘IAS’ TLIN VE I DUH CHUAN!
–  Eleazer ( Tetea Hmar )


Tun hnai UPSC result kan en chuan Mizo hming hmuh tur a awm ngai meuh lo. Exam tura inbuatsaih pawh chhiar tham kan tling chho ta tial tial a nih ber hi maw! Khuareia kan hnam tan nghawng a neih dan tur hmu thiam tan chuan a lungchhiatthlak takzet. Kan officer ho lah hian engtikah tak hnam feelings neiin thalai tam tak hi min motivate ang maw, tiin beiseina nen ka lo thlir reng thin mahse, pen chhuak chu tlemte kan ni si.

Sawrkar lamin UPSC exam tling tan lawmman a siam thara, hma a la chho viau nain, kan education system kal sual nasa lutuk hian thalaite ah ngawng thalo tak a la nei tlat thung. Class 10 vela first division nihna hauh pha ngat ‘Aim in life’ (nih tum a chiang hleitheilo) kan kat ta nuk mai bawk si hi enge a chhan ni ang!
Nakin kum 10 hnua kan ram Mizoram hi hnamdang officer awpbehna hnuaia awm kan duhloh chuan tun atang hian tran kan lak a ngai tak zet zetin ka hria.

Awle! Engpawh nise kan thalai tam tak UPSC exam chak ve si. Coaching kalna tur pawisa neilo chhuanlam avanga ngaihtuah zui ngam lo tam tak an awm ka ring a…chumi te tan chuan tiin exam tura thil pawimawh leh coaching kal ngai lova exam theih dan tur ka rawn tarlang dawn a, exam tum tan chuan ngun takin ilo chhiar dawn nia.

Exam throught ve duh tana thil pawimawh ho tarlang ila;

1) Syllabus  Exam ve tur chuan Syllabus hi i hriat hmasak ber a ngai a, eng lampang nge question tih hriatna atan.

2) Question hlui Question hlui hi a pawimawh khawpmaia engpawh exam dawn ila question hlui en peih hi a pawimawh takzet. A chhan chu, engtia chhiar tur nge! Engtin nge question an siam thin..tih zawng zawng i hriat theihna tur a ni.
3) Text Books UPSC exam tur hian lehkhabu pawimawh tam tak a awm dawn a, kan la tarlang zel turah ngai ila. Thil pawimawh nia kan sawi ho hi chu ilo chhiar ngei dawn nia.

Pakhatna;
Indian polity and Governance :- Constitution, political, system, panchayati raj, public policy, right issues etc.
(Tiang hian lehkhabu chhiar tur ka rawn sawi ta ringawta, eng lehkhabu nge! Khawi atangin nge ka hmuh ang tiin i buai maithei mahse, lungngai suh a hnuaiah ka rawn suggest zel dawn che nia.)
Hemi topic atana lehkhabu rawn tur thenkhat;
* Laxmikant NCERT
Laxmi lehkhabu hi i chhiar thei a nih ngat chuan lehkhabu dang lutuk a ngai lo ang.

Unacademy – Venkatesh Chaturvedi
Channel velah video lecture tha tak tak an tichhuak thin a, anmahni atang hian i inzir pah thei dawn bawk a ni.

* Unacademy – Charu Modi/ Swatantra Gupta NCERT
Mithiam chung chuang an ni a, video lecture an nei thin a. English leh Hindi tawng ten….dub i tlang thei ang.

Pahnihna;

Economic and Social Development :- Sustainable, Development, Poverty, Inclusion, Demographics, Social sector, Initiatives etc.
* Ramesh Singh
Lehkhabu update tak tak ziaka chhuah thin mithiam a ni a, inbuatsaihna tur chuan ama lehkhabu hi a rinthlak ve khawp mai.
* Unacademy – Mohini Jain
Video lecture lamah en turin a dah chhuak ve thung a. I lo en ve thin dawn nia.
* Unacademy – Ayush Sanghi
Pawisa a lei dawn ni la chuan sing tel sen ngai tur kha. Awlsam takin video lecture hmangin i en thei dawn a ni.
Note: thil pakhat suggest duh che ka nei a, video leh lehkhabu ka sawi te khi innghahna bik neih loh tur a nia. Video darkar i en chuan lehkhabu darkar khat vel i chhiar leh ang, chutiang zelin darkar khat ang zelin i sem rual thiam dawn nia. Chutilo chu i tan ninawm a tling thuai mai ang.

Pathumna;

Indian and World Geography -: Physical, Social, Economic, Geography of India and the World.

* Class 11 and 12 NCERT
* G.C Leong
* Oxford Atlast (Atlast i neih loh chuan tlakchham i nei tihna angah ngai tawp mai rawh)

* Unacademy – Arpita Prakash + Jewa Tripathi
Hemi te pahnih video lecture pawh hi duhthusam a ni.
Thurawn; Lehkhabu pakhat hi vawi 10 i chhiar hnuah i revised deuh char char mai dawn nia. Pakhat i chhiar chuan lehkhabu dangah pakai vak duh suh. A chhan chu UPSC angah chuan i hriat chhun hriatchian kha a pawimawh ber lai chu a ni. Chuan tumah hian an chhiar seng tak tak bik lo tih hria la.

Palina;

History – History of India and Indian National Movement
* Modern History – Rajiv Ahir
* Ancient History – Old NCERT
* Medieval History – Old NCERT
* Unacademy – Crash course by Abhishek Shrivastava and Arpita Prakash
* Mrunal.org – Pratik Nayak

Pangana;

Env & Ecology – General issues on Environmental Ecology, Bio – Diversity and Clumate change.

* Shankar IAS
He pa lehkhabu hi duhthusam a ni.
* Unacademy – Shreyaa Sharma

Parukna;

Current Affairs – Current event of National and International importance
Question hi 20 vel a tel ziah.
* VISION 365 – Subject tin
He lehkhabu hi IAS prelims exam hma thlahnih velah tihchhuah a ni thin a, ilo ngaihven deuh dawn nia.

Tikhan lehkhabu pawimawh tur ho chu kan sawi ta nual a. Tunah chuan i chhiar vek hnuah tih tur pawimawh kan sawi leh ang;
TEST SERIES – ONLINE ( I zirna atangkhan test i nei dawn tihna a nih ber mai chu)
1) Speedup or Speedupexam
Heng speedupexam website leh speedup application te hi download la tichuan test i nei dawn nia.

He apps thatna thenkhat tarlang ila;
* Kum 10 liamtaa question ho kha i hmuh phakah chhawp chhuahin a awm ang. Chumai ala ni lo sawifiahna nen lam a awm vek zu nia.
* Important Charts – Geo, His, Eco, Sci, Env, Polity, Current.
* Lehkhabu indawt dan ang zelin question i hmu ang. Entirnan ; G.C Leong, Rajiv Ahir, NCERT
* Revision Test i nei thei dawn bawk a ni.
* Map based question – Map han en a, zawhna rawnkal thei tur awm ang te kha en theihin a awm bawk ang.
* 5000+ question

Question pawimawh tak tak 5000 chuang zet mai hmuh tur a awm bawk. Chumi awmzia chu paper 50 vela question kha an provide dawn che tihna a ni.

* Economics based Question
* 7 UPSC pattern scheduled full mocks Test

Hemi awmzia chu UPSC exam based khan question an siam anga chumi chu inzir nan ilo hmang ve dawn tihna a ni.
* Timing based test papers ( hun duh rei deuh tan)
Thurawn ; Vawikhat i chhiar chhuah apiang khan test nei ziah ang che.

Thil ka lo sawi hmaih palh daih maia. Hemi apps nei tur hian pawisa thlem azawng a ngai ve thin a. Cheng 799 vel i sen ve angai dawn a ni…a changin discount hunlai an nei ve tho a…an discount lai chuan 499 te a ni thin. Engzat pawh chu nise a manhla tawh hrim hrim.

Thurawn ; UPSC exam tura i inbuatsaih dawn reng rengin then leh rual leh nangmah tibuai theitu che kalsan ngam la. I hun neih atanga 80% vel chu inzir nan hmang tum hram ang che, chuti nilo a 50-50 vela i siamrem chuan hlawhtlin ila duh tak tak lo tihna a ni.
Sawi chhunzawm ila tih tur pawimawh tak tak sawi tur a awm nual a, thenkhat kan sawi nual tawh bawk a…tunah a tawp ber nan thil pakhat suggest che ka duh a.

General Science
* Lucent GK
Science subject a in prepare tum te tan chuan Lucent GK hi rawn ngei chi a ni.

Unacademy – Puneet Sehgal
Art and Culture
* Nitin Singhania ( notes)
* Unacademy – Venkatesh Chaturvedi
* Mrunal – Ishani pandy (youtube)
I zawh vek hnuah Revised in emaw i practice fo dawn nia hetiang hian;
* Video en – Lehkhabu chhiar – Solve the test
Zawh belh duh tan;
Ph : +917627910548 (Call/ Whatsapp)
 GOOD LUCK

Credit for this Articles :  Eleazer ( Tetea Hmar )
+917627910548

SSC STENOGRAPHER EXAM TUM TE TAN CLICK HERE

Leave a Reply